شعر سلامتك يمه , قصائد سلامتك يابوي , شعر سلامتك ياخوي

ابيات شعر قصيرة سلامتك , سلامتك ،اشعار سلامتك قصيرة , قصيدة سلامتك ياخوي , اخوي , اخي , عن الاخ , شعر سلامتك يامي , اشعار قصيرة الحمدلله على سلامتك , شعر سلامتك يالغالي , قصيدة سلامتك امي , 

 

قصيدة سلامتك يابوي , ابي , ابوي , عن الاب , قصيدة سلامتك للمريض , قصائد سلامتك , *

ياجعل كل ما فيك فيني يايمّه*

سلامتك يالغالية وألف لاباس ..

ليت المرض جاني وربي لأضّمه*

وأمنعه يتعدى ضلوعي والأنفاس ..

يمّه بغيابك بيتنا من يلمّـه*

أحسه موحش حيل خالي من الناس ..

وجهك وصوتك حتى ريحك أشمّه*

في كل ركن وزاوية وفكل ساس ..

ياغالية , ياكل شيء , يامهمّـه*

أنتي مكانك فوق يمّه على الراس ..

ياجعل يومي قبل يومك يايمّـه

وتأكدي راحتك بتبقى لي هوجاس ..

~~~*

سلامتك يابوي من كل ماجـــــــاك*

عدا وخطاك الشر ياتاج راســــي

روحي وعمري كلـــــها لك فداياك

يفداك قلبي جـــاك ياعــــــز ناسي

انا احمد الله يوم بـانت ثنـــــــاياك

من فرحتي يابوي برقى الرواسي

قلــبي ولـو تطلب فــدايا لمـــاطاك

يفداك عمري والنظر والــحواسي

مديت لي يدك وانا احـــب يمنا ك

شفاك عندي ثوب زاهي اللــباسي

قليل في ذا لكون مثلـــك وشرواك

حنون قلبه لي ولا هو بقــــــاسي

~~*

سلامتـــــك ياخوي والشر زايل.......... والحــــمد لله يوم ربــــي معــــــــافيك*

ياشايل حمـول المرض والهوايل ......... شفت الحصى اللي بالمراره مشــاكيك

ما تكــثر الـــونات والدرب مايل .......... تنقل صـــوابك عَــلْ غــيرك يــداويك

أثـــرك تعـــاني ياكــثير الجمايل .......... مثــل الجــمل صابر ومحـــدٍ درى فيك

الله لطــف بك عـقب برد وقوايل .......... من حـر مـا تـونـــس تألــم محــــاكيك

واللي يعرفك يافهد في الصـمايل .......... يرجــي لك المـولى من الـــشـر ينجيك

ترى يا بوفـيصل دعت لك عوايل .......... اللــي زرعــته طيــب خـــيرٍ ينـــاديك

طلبت ربي من حشى الجوف قايل ..........عــسى المـرض باقــي حيـاتك يعديك

~~~

سلامـتـك يــا نـاعـس الـطــرف لابـــآس

عـسـاك تسـلـم مـــن عـنــاء كـــل عـلــه

وعسانـي أتمتـع بشوفـك عـلـى ســاس

إنـــــك مــعــافــى فــــــي جـــمـــال وحـــلـــه

وعساك ما تصبح مـع الغيـر محتـاس

وعــســـاك مـــــا تـلــقــى إهــانـــه وذلـــــه

وعـسـى عــدوك داخــل الـنــار مـقـبـاس

تــآكــل مــنــاص الـجـســم دقــــه وجــلـــه

صحيـح هـذا الوقـت فـي مجملـه قـاس

وأكــثــر قــريـــب مـــــن الـقــرايــب تـمــلــه

لـكـن حــذرك يالغـضـي يسـكـنـك يـــآس

تــــرى الأمــــل فـــــي الله شـــــرع ومــلـــه

مـا دام أنــا حـولـك تـدلـل عـلـى الـنـاس

وأطـلـب تـــرى مطـلـبـك مـضـمـون كـلــه

والله لــــو مـطـلـبــك يـنــقــصّ لـــــه رآس

لاأنــفــذه مـــــا قــلـــت يـــــا زيـــــن خَــلـــه

وأدوس دربٍ بــأول الـدهـر مــا أنـــداس

وأحــــــل دارٍ مــــــا بـــعـــد حــــــآن حـــلـــه

وأشرب شراب الموت كاسٍ وراء كآس

وأحـــــل عــقـــدة حــبـــل صــعـــبٍ تــحــلــه

هــذا كـــلامٍ صـــدق مـاهــوب هـوجــاس

وإن كـــان مـــا صـدقــت جــبــت الأدلــــه

دلـــيــــل واحـــــــد يــفــهــمــه كــــــــل درّاس

بـالـمـخـتـصـر هـــرجـــي يـكـفــيــك قـــلــــه

والآدمــي لاصــار مــا عـنــده إحـســاس

أكــيـــد فـــــي عـقــلــه ضـــمـــور وخِـــلـــه

والــلــي مـــــع خــلـــه مـــــراوغ وهـــــلاس

بــاكـــر يـصــيــر وحــيـــد مـــالـــه أخـــلـــه

وتبـهـذلـه الأمـــراض ويصـيـبـه إفـــلاس

وأكـيــد يـخـشـى الـمــوت ويـخــاف ظـلــه

~*

سلامتك من كل شـــــــــر(ن) ياغالي

الله يجيرك من صدوف المقــــــــــادير

ياجعل ماتشقيك ســـــــود الليـــــــــالي

وتعيش مستانس واشوفــــك على خير

أفزعتني والقلب مـــــاهوب خــــالــــي

يرتاع من شــــي (ن) يجيلك لو صغير

أغليك لــــوانك بعيـــد المنـــــــــالــــــي*

وتلعب على حساب الهوى بالمعـــــاذير

لـــــورحت ولاجيتـــــــ ياراس مـــــــالي

غـــــالي ولك عــــندي معـــــــزه وتقدير

مدري وش اكتب والهوى مــــاصفــــالي

تبي الحقــــيقــه خاني كل تــــعــــبـيــــــــر

تـــــدري ابـــــطلب شــــي واحد فبالي؟؟؟

وارجــــــوك حـــقــق مطلبي دون تقصير .

أسمــــك ابيــــه يلــــوح دايــــم قبــــــالي

لاشفته أســــتانــــس وغرد كما الطـــــير

سلامتك والله يحفظك ويبقيك

ويقبل دعاتك في صلاتك وصومك

ياجعلني ماذوق حزنك ولا ابكيك

يافرحة سنيني عسى الله يدومك

ليت التعب فيني حبيبي ولا فيك

وياليت يومي ينتهي قبل يومك*

ودي اضم ايديك واقبل ايديك

وفرش لك ذراعي مخده لنومك

وان قمت من نومك وعيني تراعيك

سولف عن احلامك وعطني علومك

استأذنك لحظه دقايق بخليك

بروح ابشر عالمي في قدومك

في غيبتك احلم اشوفك واحاكيك

سمتني الدنيا بعدك محرومك*

ياما تخيلتك بدربي واناديك

واقول : وشفيها تردت عزومك

لك وقت متغير على قلب مغليك

ماكنه الي شال عنك همومك

ابيع من عمري على الناس واشريك

لو باعتك دنياك مارخصت سومك

ماهو على شانك على شان ماضيك

مهما تسوي اعذرك ما الومك

هذا خيالي كل ما مر طاريك

والا الحقيقه عايش ارجي غيومك

اضحك على نفسي اذا قلت مابيك

انت القمر والناس هذي نجومك

حببتني في كل حاجه حواليك

مانيب من قومك واحامي لقومك

ماقول غير الله يحفظك ويبقيك

وياجعل يومي ينتهي قبل يومك

الحمد لله على سلامتك بعد هذا السفر

جيتني ولهان ولا جيتني مشتاق

علمني الصراحه وانا بقبل منك العذر

ما اقدر اتحمل فراق غير هذا الفراق

سلامتك يانور عيني من الباس

تمرض وغيرك يوم تمـرض تعنّـى

ترى المرض يوم انفرد بك عن الناس

يبي ينال من الشرف ما تمنّـى

سلامتك جعل اكثر الخلق تفداك

حتى عيوني جعلها فدوتن لك

ليت الوجع يَ غاية الروح ماجاك

ليت المرض لا من بغى مَ يدلك

ياصاحبي لاباس طهور جعل العمر يفداك

رددت في نفسي عسى الوجع يتعداك

سلامتك يااطهر قدم ناشت الارض

بعد الرسل والانبياء والصحابه

خذ من بقايا ايامي البيض لك قرض

وعطني من ايام الوجع لاتهابه