هـــلا برجــعـتك يـا نـور قلـبي و هــــيامه
اليـوم فـرحــي وســع الكــون مـا يكـفـــيه
مـن يـشــوف ضـحـكـتك تحــقـق أحــلامـه
يا هــلا بشــوفة تشــرح القـلب و تشــفيه
هــــلا بـوجـــه تنـوره أحـلى ابتـســـامـة
و عـســى الكــــدر يـا رب دوم يخـــطـــيه
احـــمـد الله على وصــــولك بالســـــلامة
ســلـمـك لـي ربـي مـن الخـــطـا و التـيـه
ترى دمـــع العــاشــق يغـــني عـن كـلامه
مـن زود فرحــي دمـعــي صـــرت ابـديـه
جــيت وانجــلت عـن القـــلب الغــمـــامة
غـمــامـة تقـطـر الحــزن وبالهـم تســقـيه
ودعـت و اقـفـيت يلفـني شــوق وندامــة
من يوم الســفـر و القلب يصـيح لا تخـليه
ترى طــول الغـــياب اعـمــــاني بظــلامه
تغــربت وسـط الناس ما اشـوف الوجــيه
و قـتها آمــنـت إنك غـاية القلب و مرامه
و إن شـــوفـــك عـن كل النـاس يغــــنيـه
تعـــال لم الجـــســـد و بقــايا حـــطـامه
لمــني تـراك بحـــنـانك مـن جـــديد تبـنيه
لا تلـومــني تـرى مــاني نـاقـص مـــلامـه
تعـــال شــق الصــدر وشــوف وش فـيـه
من حـر مـا فـيني لعـنت الفـراق و أيامـه
بالله أوعـدني درب السـفـر لا عـاد تمشيه
كثر إشتياقي لك (عيوني تمناك)
ودي أضمك في عيوني وأداريك
أنت الوحيد إن غبت ماغاب طاريك
وأنت الوحيد اللي حياتي تناديك
وأنت الوحيد إن جيتني عقب فرقاك
أطفا بشوفك أحترق يوم ألاقيك
***
يامرحبا والقلب مشتاق مشتاق
للصاحب اللي ماتغير مقامه
الصاحب اللي حبه بالقلب خفاق
يخفق كما خفقت جناح الحمامه
الصاحب اللي اتمناه بشفاق
ودي على شوفه وسمعت كلامه
اصبر وعيا قلبي للصبر ينساق
عيت عيوني لا تذوق المنامه
***
ياعين شوفي رسايل الزين ياعين
شوفي رسالته
وافرحي في قدومه
ترا حلاة الحب..صافي الإثنين
كلن يبيع الود اللي..يسومه
ان كان قالوا بالسنه بس ..عيدين
اليوم ثالثهم وبانت رسومه
الله يهني قلوبنا قولي .. آمين
واللي يلوم العشاق .. الله يلومه
***
تعالي يابعد كل الضلوع اللي سكنتيها
تعالـي لاعدمـت الضحكـه اللـي ماتفارقنـي
تعالي لعنبو جد الجروح اللي ظلمتيها
حلاالك ثم حلاالك لو لهيـب الشـوق يحرقنـي
***
تعالي يابعد كل الطيوف اللي ملكتيها
ترى طيفك حياتي مـن حلـوم الليـل سارقنـي
تعالي وانسي الدنيا واحبك لو نسيتيهـا
فـداك الكـون وازهـاره ودربً مايرافقنـي
تعالي وارتمي كلك على روضً عشقتيها
ترى روضك مثل خبرك على شوفك تعانقني
***
تأكد مايغيرني بشر انت
الوحيد اللي تملك خفوقي
لكن ظروف الناس
ياخلي بحر..
محدن ملك ظرفه
ولا احد يملكه
والا ترى شوووفك
يكحل بالنظر
عهد عليه ماانساك
لو غبت دهر...
***
احسب دقايق غيبتك والثواني
وتمرني في خاطري كنها سنين ..
مع كل لحظة كنت اعاني واعاني
واشرب مرار الوقت وليتك تحسين..
حاولت ارد الدمع لكن عصاني
كن الوجن يجذب دموعي من العين!!
0 التعليقات:
إرسال تعليق