كوردن بلو بلخضاروالصوص على مفرش بادنجان بالدقة الحارة ع طريقتنا

المقادير:- كيلوستيكات فراخ*حبتين كوسا صغار مقطعين صوابع رفيعة*جزرتين مقطعين صوابع رفيعة*فلفل رومي حجم صغير من كل لون واحد 4الوان وطبعا مقطعين صوابع رفيعة ومننساس طبعا اهم حاجة نغسلهم كويس *جبنة صفرا فلمنك اواي نوع بتحبيه بردو مقطع صوابع في حجم الخضار*ملح وفلفل اسمرحسب الحاجة.

مقادير الصوص:- قرن فلفلاخضر حراق*فصين ثوم*ملح*فلفل ابيض مطحون*1.م.ك.ماجي بودرة*1.م.ك دقيق*2م.ك.حليب بودرة*م.ك.زبدة.
مقادير المفرش:- نص كيلو بادنجان مغسول ومقشر مقلم ومقطع حلقات*ملح*فصين ثوم*3قرون فلفل حراق*عصير3حبات ليمون
الطريقة:اوﻻ الفراخ:- 1-نغسلهم كويس ونحط عليهم ملح وفلفل اسود ونتبلهم كويس
2-نجيب حبة الفراخ الستيك ونفردها بالطول ونحط من كل حاجة قطعناها حبة يعني (حتة جزر وحتة كوساومن كل لون رومي حتة وحتة جبنة) بس وبنلفهم رول وبنثبتهم بخلة سنان ونكرر على كده لغاية ميخلص معايا كل الفراخ.
3-بنرصهم فبايركس اوصينية ونخلهم الفرن المحمى مسبقا على حرارة 180درجة ونسيهم تقريبا من ثلث لنص ساعة بس.
طريقة المفرش:- 1-في الفترة دي بنملح البتنجان وبنقليه في زيت غزير وحامي وبيكون محمر شوية بعدين بننشله ونحطه على ورق زبدة اوورق المطبخ علشان يتشرب الزيت .
2-في زبدية فخار فيها شوية ملح بندق الفلفل والثوم ناعم وبنعصر الليمون وبنضيفه عليه.
3-بنرص البتنجان بشكل دائري في سرفيس مدور وبنوزع عليه الدقة الي عملناها و نسيبه .
طريقة الصوص:- 1-في كسرولة صغيرة بنحط المية وندوب فيها الدقيق والحليب والشوربة البودرة بعدين بنحط عليهم الملح والفلفل البيض ونحركهم لغاية ما يغلوا ونسيبهم.
2-في طاسة بنسيح معلقة الزبدة ونضيف عليها الثوم والفلفل الحراق لمفرومين ناعم
لغية ميشقروا شقار بنضيف عليهم الصوص الي دوبناه وبنقلبهم شوية وبنطفي نار.
3-دلوقتي بنجيب الستيكات المحشية بالخضار من الفرن وبنرصها فوق مفرش البتنجان الي جهزناه وبنوزع شوية صوص فوقيهم والباقي بنحطه فطبق صغير جنبهم للي عاوز.
وبجد طعمهم تحفة جربوه ومش حتندموا وادي الصورة بتعته.

من مدام امل .. فيسبوك