اول ماشتريت جهازي الجالكسي اس 3 عانيت من مشكلة ارقتني قليلن وجعلتني اسهر عليها الصباح حتى اتمكن من حلها واتوقع ان اغلبكم قد مرت عليه. المشكلة بختصار هي عندما اسجل حسابي في قوقل على الاندرويد بالجالكسي يقوم ابو الشباب ويستور كل صور حسابي في خدمات قوقل الي مشترك فيها مثل Picasa والقوقل بلس بدون حتى مايطلب مني الاذن بالمزامنه او ما اذا كنت ارغب في استيرادها على الجهاز, ويجمعها لي في الاستديو وحتى لا اقدر احذفها ولا شي حاولت اوقف المزامنه واحذف الحساب لاكن بدون فايدة.
Screenshot 2012 12 29 08 17 52 حل مشكلة الصور في الجالكسي اس 3 وحذف Picasa من الاستديو

المشكلة الثانية بعد فترة من استخدامي للجالكسي اس 3 وبعد تركيب العديد من التحديثات والرومات وما إلى ذلك, اذا اردت حذف صور من الاستديو انا مصورها او محملها من الانترنت تنحذف! لاكن اطلع من الاستديو وارجع بعد 5 دقايق احصلها رجعت مره ثانيه وكاني ماسويت شي ؟ المهم ارتفع ضغطي وثار غضبي من هذا النظام الفاشل حتى توصلت للحل النهائي مع كل المشكلتين الي ذكرت بخطوات بسيطه.
  • الخطوة 1: ندخل على “الضبط” بعد كذا “ادارة التطبيقات” ونلف الشاشة لليسار لين نوصل الكل.
  • الخطوة 2: الان ابحث عن “الاستديو” زي ماهو واضح عندك بالصورة بتحصلها اخر شي تحت.
  • الخطوة 3: الان بعد ماندخل على الاستديو نضغط اول شي على “ايقاف اجباري” بيجلس يمكن دقيقة او اقل عشان يسوي الايقاف بعد كذا نضغط على “مسح البيانات” واذا خلص نضغط “مسح الذاكرة المؤقته” ولاتخاف يمكن يجي واحد يقول يابو بس اخاف يمسح صوري وكذا .. ماراح يمسح شي فقط تنمسح الصور الي استوردها من حساباتك في قوقل وايضن الصور الي مخزنه بلذاكرة المؤقته ومسببة مشكلة ان ماتقدر تحذف شي من الاستديو.

هذا كل شي وبالتاكيد رايح تنحل معاك المشكلة ,,

0 التعليقات:

إرسال تعليق

 
Top